Norgga-Suoma álbmoga (dárogillii norskfinner) ássáma birra Norggas ii leat áibbas sihkkaris diehtu. 1500-logu rájes leat kveanat/Norgga-Suoma álbmot registrejuvvon čálálaš gálduin. Lea leamašan olu oktavuohta Norgga, Suoma, Ruoŧa ja Ruošša gaskka áiggiid čađa, fárremiid ja gávppašemiid geažil. Ovdal go rájit biddjoje, ledje guovllut maid atne oktasašguovlun. Olbmot guovlluin mat dál gullet Davvi-Supmii ja Davvi-Ruŧŧii vulge barggu ja ealáhusaid geažil Norgga beallái. Dađistaga bisánedje ja ásaiduvvo Norgii.
Norgga-Suoma álbmot leat olbmot geain lea sihke dáčča ja suopmelaš kulturduogáš. Muhtumat dán joavkkus gohčodit iežaset kveanan.
Kveanat/Norgga-Suoma álbmot leat dohkkehuvvon našunála unnitloguálbmogin Norggas. Olmmošjoavkkut main guhká lea leamaš čatnaseapmi riikii, meroštallojuvvojit našunála unnitlohkun. Norggas dakkár olmmoščearddat leat kveanat, juvddálaččat, meahccesuopmelaččat, romaálbmot ja romániálbmot/táhterat.
Gáldut: snl.no ja regjeringen.no
