Meahccesuopmelaččat leat daid suopmelaččaid maŋisboahttit geat fárrejedje Ruoŧas loahpas 1500–1600-logus Norgii. Sii ásaiduvvo vuovdeguovlluide, stuorámus oassi Finnskogenii Hedmárkkus, muhto maiddái 40 eará suohkanii Lulli-Norggas.
Norgga stáhta ii lean mearridan seamma assimilerenpolitihka meahccesuopmelaččaid ektui go sápmelaččaid ja kveanaid ektui. Dattetge servodatovdáneapmi ja dáruiduhttinpolitihkka mii sápmelaččaid ja kveanaid ektui lei biddjon fápmui váikkuhii maiddái meahccesuopmelaččaid.
Dál ii leat oktage šat gii hupmá meahccesuopmelaččaid giela, vaikko muhtun sánit ja oalle olu báikenamat leat seilon.
Meahccesuopmelaččaid kultuvrras leat eanadoallobargovuogit, huksenvierut ja giella mat leat dan kultuvrra earenoamášvuođat.
Dál árvvoštallat ahte Norggas orrot moadde čuođi meahccesuopmelačča.
1998:s dohkkehuvvo meahccesuopmelaččat našunála unnitloguálbmogin Norggas. Olmmošjoavkkut main guhká lea leamaš čatnaseapmi riikii, meroštallojuvvojit našunála unnitlohkun. Norggas dakkár olmmoščearddat leat kveanat, juvddálaččat, meahccesuopmelaččat, romálbmot ja romániálbmot/táhterat.
Regjeringen.no, demra.no, lokalhistoriewiki.no
