-Almmuhus-
OĐĐASATDieđit ruoššaluosa

Dieđit ruoššaluosa

-

-

NORGA: NINA dahje Norgga Luondudutkan Instituhta dutkit čilgejit dás maid galggat bargat jus gottát ruoššaluosa.

 

2017 geasi gorgŋii ruoššaluossa (láhttengillii Oncorhynchus gorbuscha) eanaš rittu-Norgga jogaide.

Dát Jaskesábi luossašlája maid ruoššat luite Guoládaga jogaide 1950-logus, gođđet juohke nuppi jagi, dieđihit NINA.i preassadieđáhusas.

NINA lea kártemin man olu ruoššaluosat gorgŋejit Norgga jogaide.

Buot ruoššaluosaid guolásteaddji bivdá jagi 2019:s, galgá goddot, iige luoitit johkii.

Ruoššaluossa lea amas guollešládja mii ii gula Norgga lundui.

Danin bivdet dutkit buot guolásteaddjiin geat goddet ruoššaluosa, dieđihit NINA;i galle ruoššaluosa sii leat goddán.

 

Ná galggat dahkat go ruoššaluosa oaččot gáddái:

  • gotte guoli

  • Ruoššaluossa sállaša galgá dieđihit seamma sadjái gosa dieđiha luosa, guvžžá (mearradápmoha) ja vallasa (mearrarávddu).

  • Válddes velá čuopmaiskosa ruoššaluosas. Ruoššaluosa čoapmaiskosiid sáhtát sáddet Luossa ja guvžžá čoapmasiskosprográmmii mii lea dan čázádagas, dahje njuolga: NINA, Norsk institutt for naturforskning v/Gunnel Østborg, Postboks Torgarden, 7845 Trondheim. 

    Jus leat gažaldagat, gulahala NINA:in: pukkellaks@nina.no

 

Sáhttá seaguhuvvot guvžžáin

Áiddo johkii gorgŋen ruoššaluossa sáhttá seaguhuvvot guvžžáin. Čakčágeasi rievdada sihke njiŋŋelas ja varris ruoššaluossa hámi. Guktot vilgodeaba čoavjje vuole ja gilggat šaddet ránesruoná. Varris oažžu maid buggečielggi ja gáibi guhku mađe lagat gođđanáigi lea. 

 

Gažaldagat ja diehtojuohkin

Jus 2019 bohtet olu ruoššaluosat jogaide, ja šaddá dárbu daid gorgŋema bissehit, dieđit Fylkamánnái. Dieđit seammás NINA:i dáid liige doaimmaid birra. Birasdirektoráhta lea bálkáhan NINA vakšue ruoššaluosa.

-Almmuhus-