Meteorologalaš Instituhtta dieđiha garra biekkaid olles Davvi-Romsii ja Oarje-Finnmárkku riddoguovlluide duorastaga maŋŋelgaskabeaivvi.
Garra stoarbma lea dieđihuvvon davimus fylkkas, ja muhtumin sáhttet roasut bosádit 35-40 mehtera sekunddas. Dávvirat sáhttet mannat biekka mielde dahje gopmánit, ja lea várra ahte visttit dahje eará oasit billahuvvet.
Olu luottaid ja šalddiid giddejit, ráidovuodjimiid bidjet johtui ja bissehit fatnasiid dan guovllus.
Meteorologat ávžžuhit olbmuid čanadit luovos dávviriid ii ge mannat vánddardit báikkiide gos roasut leat.
Maiddái Finnmárkkuduoddaris lea dieđihuvvon garra bieggavárra ja sáhttet leat roasut mat leat 27 mehtera sekunddas.
(©NTB)
