Boazopolitiijat dieđihit sii dárkkistit skuterjohtolaga lávvordaga máŋgga sajis Finnmárkkus.
Boazopolitiijaid hoavda Per Valved muitala ihttin lávvordaga, leat sii dárkkisteame skuterjohtolaga Skáiddis, Billávuonas, Bollos ja Čáhcesullos.
– Dat lea oassi Boazopolitiijaid skuterjohtolatdárkkistemiin mat galget čađahuvvot beassážiid. Mii boahtit dárkkistit skuterjohtolaga beassážiid measta buot suohkaniin Finnmárkkus, dieđiha Valved dál juo ovdagihtii.
Sihkarvuohta guovddážis
Politiijat áigot ge dáid dárkkistemiiguin atnit erenoamážit čalmmis vuodjimiid mat sáhttet leat várálaččat sihke vuoddjái, sidjiide geat leat fárus ja muđui earáide.
– Ávžžuhit buot skutervuddjiid várrogasaid vuodjit erenoamážit bartaguovlluin ja guovlluin gos leat čuoigit, vai buohkaide šaddá fiinnis leat olggu ovddas, lohká Per Valved.
Isket
Boazopolitiijaid hoavddas leat ge muđui stuorra vuordámušat dasa ahte skuteriiguin vánddardit lobálaččat.
– Vuordit ahte buohkat geavahit jealmma. Vuoddji maid ferte sáhttit čájehit lobálaš vovdnagoartta ja vuodjingoartta. Mii maiddái bosuhat skutervuddjiid iskan dihte leat go čilgosat, lohká Per Valved, gii seammás sávvá buohkaide buriid beassážiid.
