-Almmuhus-
-Almmuhus-
OĐĐASATDieđihii boasttu lotti báhčán

Dieđihii boasttu lotti báhčán

-

-

Muhtin bivdi bážii ráfáiduhtton lotti, giljobačča, go doaivvui leat eará loddin borgemánu 23.beaivvi.

Giljobaš loddenális eai leat šat beare galle lotti ja lea ráfáiduhtton nálli. Olles eurohpalaš nálli bessejit Váldatjeakkis Finnmárkkus geassemánuid, ja 2015s ledje 126 giljobašlotti doppe. Oktiibuot leat 20-25 loddebára, ja go nu unna nálli lea de lea juohke áidna loddi dehálaš jus nálli galgá ceavzit Europas, čállá Birasdirektoráhtta ruovttusiiddus.

 

Dieđihii direktoráhttii

Borgemánu 23.beaivvi bážii muhtin bivdi boasttu lotti Finnmárkkus. Loddi lea loddečivgajoavkkus maid gilkoraste 2013s. Bivdi gii bážii lotti dieđihii gilkornummára Birasdirektoráhttii ja Norgga Ornitologalaš searvái geat jođihit giljobaš prošeavtta.

– Birasdirektoráhtta ávžžuha buot bivdiid ja čuonjábivdiid leat várrogassan bivddus, ja čujuhit Luondduriggodatláhkii ahte galgá leat várrogas. Dehálaš lea máhttit earuhit náliid ja maid earuhit makkár náliid lea lohpi bivdit mat sáhttet sulastahttit lottiid mat leat ráfáiduhtton, muitala ovttadatjođiheaddji Birasdirektoráhtas Knut Morten Vangen.

-Almmuhus-