-Almmuhus-
-Almmuhus-
OĐĐASAT Destinasjon Sápmi – digitála diehto­juohkin turisttaide almmu­huvvon

Destinasjon Sápmi – digitála diehto­juohkin turisttaide almmu­huvvon

-

-

Destinasjon Sápmi nammašas digitála diehtojuohkinsiidu turisttaide lea dál almmuhuvvon. Das leat  báikkálaš fálaldagat ja buvttadeaddjit viđa gielddas Sámis. Destinasjon Sápmi lea almmuhuvvon sihke turisttaide ja báikkálaš olbmuide.

Destinasjon Sápmi lea nuvttá digitálafálaldat buot mátkeaktevrraide ja sidjiide geat háliidit čalmmustahttit unnit ja stuorát fálaldagaid buot gielddain. Gielddat mat leat mielde leat Porsáŋgu, Kárášjohka, Guovdageaidnu, Deatnu ja Unjárga. 

– Mii háldiiđit váikkuhit vai min gielddat šaddet miellagiddevaš mátkkoštanbáikin turisttaide dán geasi. Dasa lassin mii sáhttit juohkit ássiide báikkálaš aktivitehtaid, go lea álki vajálduhttit min lagas birrasa. 

– Mii leat giitevaččat go leat ovttasbargan nu bures ja dagahan ahte dán jagi geasseturismaáigodat ceavzá, dadjaba Solveig Balto ja Mira Valle Sápmi ealáhusas. 

Ráhkadan video

Destinasjon Sápmi nammasaš digitáladiehtojuohkinsiiddus turisttaide leat maid ráhkadan video mas čájehit iežaset mátkefálaldagaid. 

– Olu priváhta olbmot ja aktevrrat leat oasálastán ja ráhkadan video buot gielddain mat dál geavahit Destinasjon Sámi siiddu, čilge prošeaktajođiheaddji Mira Valle.

Báikkalaš buvttadeaddjit

Destinasjon Sápmi lea maid geahččalan čalmmustahttit báikkálaš buvttadeddjiid mat eai gávdno stuora gávpogiin.

– Mis leat maid báikkálaš buvttadeaddjit geain leat «čihkkon dávvirat» iežaset vuorkkáin mat eai gávdno nu go Oslos, dadjá prošeaktajođiheaddji Mira Valle. 

Almmuhit dađi mielde

Destinasjon Sámi siiddus almmuhit dađi mielde eanet sisdoalu. Maiddái sátnejođiheaddjit leat mielde videoin main sávvet olbmuide bures boahtima iežaset gielddaide. 

– Mii almmuhit dađi mielde ja ovddidit iežamet neahttasiiddu, dadjá prošektajođiheaddji Mira Valle. 

– Mii leimmet hui ilus go Sámediggi doarjjui min proševtta, dadjá prošeaktajođiheaddji Mira Valle. 

- Advertisement -
-Almmuhus-