NVE , Norgga čázádat- ja energiijadirektoráhtta, lea sádden čieža váidaga Øyfjellet vári bieggamillohuksema birra Oljo- ja energiijadepartementii.
Dat čieža váidaga leat njealji mearrádussii mat leat mearriduvvon 18.12.2019 ja 08.04.2020
Váidaluvvon mearrádusat leat:
18.12.2020 Detálljaplána, biras-, fievrridan- ja rusttetplána ja eará konsešuvdnaeavttuid dohkkeheami mearrádus.
18.12 2019 Konsešuvdnarievdadusa dohkkeheami mearrádus.
18.12.2019 biras-, fievrridan- ja rusttetplána Øyfjellet bieggafápmoásahusa nehttiioktiičatnan.
08.04.2020 Mearridan eanet váidudeaddji doaimmaid boazodoalu giđđajohtima ektui.
NVE lea árvvoštallan váidagiid
NVE lea árvvoštallan váidagiid mat gustojit NVE áššemeannudeapmái ja mearrádusaid sisdollui. Máŋggas sis geat váidalit, dáhttot ahte konsešuvdna gessojuvvo ruovttoluotta, go sii oaivvildit ahte eavttut dohkkehit detálljaplána /MTA eai leat ollašuhtton ja danin ii sáhte daid dohkkehit.
Máŋga váidaleaddji dáhttot NVE mearridit maŋidit doaibmaálggaheami mearridemiid dassái go váidaleamit leat čilgejuvvon.
NVE sádde váidagiid OED:i
– Min árvvoštallama ektui, de ii atte oktage váidaleaddji vuođu rievdadit iežamet mearrádusa. Mii sáddet danin váidagiid Oljo- ja energiijadepartementii loahpalaš mearrideapmái, čállá NVE iežaset ruovttusiiddus.
