-Almmuhus-
-Almmuhus-
OĐĐASATDepartemeanta lea mearridan bátne­divššu hattiid mat doaibma­gohtet 1.1.2022

Departemeanta lea mearridan bátne­divššu hattiid mat doaibma­gohtet 1.1.2022

-

-

Dearvvašvuođa- ja fuolahusdepartemeanta lea mearridan ođđa njuolggadusaid ja hattiid oažžut álbmotoadjodoarjaga bátnedikšui.

Šiehtadallamat eai leat dahkkon organisašuvnnaiguin. Danin lea Dearvvašvuođa- ja fuolahusdepartemeanta mearridan bátnedivššu hattiid Stuorradikki bušeahtameannudemiid 16.12.21 oktavuođas, čállá ráđđehus. 

Bátnedivššu hattit leat haddemuddejuvvon gaskamearálaččat 1,7 proseanttain. Lea mearriduvvon nannet bátnenjulgema doarjaga 50 miljovnnain kruvnnain 2022:s. Dat lea biddjon doibmii gáibeortopediija hattiid lasihemiin, gaskamearálaččat logiin proseanttain, lassin dábálaš haddemuddemii. Lagat dieđuid gávdná Dearvvašvuođadirektoráhta johtočállosiin. Bátnedoaktáriin ja bátnedivššáriin, geat sáddejit gáibádusaid Helfoi, ferte leat njuolgga mávssu soahpamuš Helfoin. Dan soahpamuša haga ii mávsse álbmotoadju doarjaga bátnedikšui.

-Almmuhus-