-Almmuhus-
SMÁVVAOĐĐASATDeparte­meanta ii mieđa njeaidit Fovsen-Njaarke biegga­turbiinnaid

Departe­meanta ii mieđa njeaidit Fovsen-Njaarke biegga­turbiinnaid

-

-

Oljo- ja energiijadepartemeanta čállá vástádusas Sámediggái ahte háliidit čađahit guorahallamiid ovdal go mearridit man láhkai čuovvolit Alimusrievtti duomu. 

Diimmá golggotmánus vuite Fovsen-Njaarke badjeolbmot Alimusrievttis gos celkui ahte bieggafápmorusttegat loavkašuhttet sin rivttiid kulturdoaimmaheamis ON konvenšuvnna siviila ja politihkalaš rivttiid ektui. 

Boazosámit leat gáibidan ahte bieggaturbiinnat Storheias Åfjordas ja Haraheias Roanis njeidojuvvojit, muhto dasa eai mieđa eiseválddit. Sámediggi lea bivdán Oljo- ja energiijadepartemeanttas vástádusa, ja sin bealis gal dáhttot gávdnat čovdosa vai bisuhivčče bieggafápmorusttegiid. 

– Mis lea mihttun gávdnat čovdosa mas bieggafápmorusttet bisuhuvvo seammás go boazosámiid vuoigatvuođat váldojuvvojit vuhtii. Danin ii sáhte guovlu máhcahuvvot ovdal go čielggadeamit leat čađahuvvon, čállá departemeanta reivves Sámediggái. 

-Almmuhus-