Dellie Maa lea filbma- ja dáiddafestivála man lágidit Dearnas Ruoŧabeale Sámis. Oassi prográmmas lea jo gárvvis.
Dellie Maa lea filbma- ja dáiddafestivála man lágidit Dearnas Ruoŧabeale Sámis. Oassi prográmmas lea jo gárvvis.
Dellie Maa lea vuosttaš filbma- ja dáiddafestivála man lágidit Dearnas Ruoŧabeale Sámis. Festivála álgá golggotmánu 29. beaivvi ja bistá gitta skábmamánu 1. beaivvi rádjái. Dát lea jo goalmmát geardde go festivála lágiduvvo.
– Olbmot, dál lea prográmma Dellie Maa 2015 almmuhuvvon. Juoge iežat ustibiiguin, čállet dáhpáhusa lágideaddjit iežaset Facebook siiddu bokte.
Dán jagi festiválaprográmmas čájehit earret eará «Sume – the sound of a Revolution» ruonáeatnanlaš dokumentára musihkkajoavkku birra, «Uvanga», «Olga, to my friends», «Biebbmo» ja ollu eará filmmaid.
Oassi festiválas lágiduvvo maiddái Stockholmmas, muhto dán hárrái prográmma ii leat vuos almmuhuvvon.
Čearddalaš duogáš lea dehálaš
Dellie Maa lea festivála mas leat sihke filbmačájeheamit, logaldallamat, konsearttat ja dáiddačájáhusat. Muhto lágideddjiid mielas dehálaš festiválii leat artisttaid, filbmadahkkiid duogážat.
– Mii váldit vuostá buotlágan filmmaid miehtá máilmmi. Min áidna gáibádus oassálastiide lea ahte filbmadahkkis, buvttadeaddjis dahje mánusčállis lea gullevašvuohta álgoálbmogiidda, čállet lágideaddjit.
«Dellie Maa» lea oarjelsámegielsátni mii mearkkaša «viimmat» davvisámegillii.
