Davvinárgga gielddastivra lea hilgon ohcamuša Scandicas gáibidit sisabeassanruđaid «Nordkapplatåas». Turistaguovlu šaddá de nuvttá geasset.
Hoteallafitnodat oaivvilda ahte gielda lea ealáhusvašálaš, ja dat eastada viidáset áŋgiruššama «Nordkapplatåas».
– Dát ruđat galge mannat sihkarvuhtii, fáktemii, ruskačoaggimii, hivssegiidda ja ráinnasvuhtii, dadjá Scandic árvobáberdirektevra, Svein Arild Steen-Mevold.
Davvinjárgga sátnejođiheaddji Jan Olsen hilgu moaitámuša. NRK:i dadjá son ahte hoteallafitnodat ii deavdde gáibádusaid mat adnojit vai oažžu lobi doaimmahit párkerensaji «Nordkapplatåas».
