-Almmuhus-
SMÁVVAOĐĐASATDeike ása­huvvo dulka­oahppu

Deike ása­huvvo dulka­oahppu

-

-

Norggas váilot sámi dulkkat. 2000 dohkkehuvvon dulkkas lea dušše 12 dulkkas sámegiel gelbbolašvuohta. Dál ásaha Sámi allaskuvla dulkaoahpu. 

Maŋŋel go ođđa dulkonláhka doaibmagođii ođđajagis, de oaččui Sámi allaskuvla ovddasvástádusa fuolahit sámegiel dulkaoahpu. 

–  Mii sávvat nagodit fállat guovttegielat geahččalemiid dulkkaide giđđat juo, lohká dulkaoahpu ráđđeaddi Joret Mihkkal Bals NRK Sápmái.

Norggas leat oktiibuot 2000 dohkkehuvvon dulkka. Dáid searvvis leat dušše 12 sámegielat dulkka. Sámi allaskuvllas lea ulbmilin ahte dát lohku lassána jo boahtte čavčča.  

– Jos mun galggan leat várrogas, de sáhttá kánske lohkat juobe njeallje. Sávaldat lea goit gaskal gávcci ja logi eanet dulkka go dál leat. Muhto ferte vuos oaidnit ahte eat go son boađe dan 20 lohkui álggos, lohká Bals. 

-Almmuhus-