Deatnulaš Viktor Trosten geavahii odne iežas jienastanvuoigatvuođa, ja lohká dan dehálažžan jus galgá váikkuhit sáhttit politihka.
– Jienasteapmi han lea min jietna, ja dat ferte gullot. Lea hirbmat dehálaš geavahit jienastanvuoigatvuođa, dadjá Trosten.
Deatnulaš Viktor Trosten geavahii odne iežas jienastanvuoigatvuođa, ja lohká dan dehálažžan jus galgá váikkuhit sáhttit politihka.
– Jienasteapmi han lea min jietna, ja dat ferte gullot. Lea hirbmat dehálaš geavahit jienastanvuoigatvuođa, dadjá Trosten.
Ii váttis mearridit
Son ii loga váttisin leamašan mearridit gean galgá jienastit, vaikko Deanu gielddaválggas leat gávcci válgalisttu:
– In leat áibbas duđavaš gieldda dálá diliin. Mu váibmoášši lea sámegiella, man ain dulbmet. Go gielddavistái boahtá dahje riŋge, de ii gullo sámegiella.
Gelddolaš beaivi
Deanu sátnejođiheaddji Frank Martin Ingilæ lea dál lohkamin ovdagihtii jienaid iige astan deaivvadit Ávviriin, muhto lohká otná beaivvi gelddolažžan ja dovddasta iežas illudit geargat válggain.
– Válgabeaivi lea álohii gelddolaš, ja illudan eahkedii go dalle oažžut bohtosiid, dadjá son. Ingilæ muitala Deanu gielda láve jođánit lohkat jienaid, ja árvideames sullii diibmu 21 odne čielgá guhte bellodat beassá stivret boahtte njeallje jagi.
– Dat mii váldá veaháš guhkit áiggi lea geat leat beassan gielddastivrii, muitala son.
Odne diibmu guđas gidde Deanu gielddajienastanbáiki.
