Dat suohkan gosa don leat registrerejuvvon maŋemus beaivvi geassemánus, lea dat suohkan gos don beasat jienastit čavčča válggain.
Dat suohkan gosa don leat registrerejuvvon maŋemus beaivvi geassemánus, lea dat suohkan gos don beasat jienastit čavčča válggain.
Válgadirektoráhtta muitala ahte jus leat fárreme eará suohkanii ja áiggut jienastit du ođđa suohkanis, de fertet dieđihit sirdima Álbmotregistarii maŋemusat geassemánu 30.beaivvi.
– Dus lea jienastanvuoigatvuohta ja gulat dan suohkana jienastuslohkui gos orut. Jus fárret ja it muitte dieđihit fárrema, de gulat ain dan boares suohkana jienastuslohkui, dieđiha Válgadirektoráhtta preassadieđáhusas.
Dieđit ođđa čujuhusa
Njuolggadusat gullet stuoradigge- ja sámediggeválggaid oktavuođas, ja liige suohkanválggain Færder suohkanis.
Buohkat geat ožžot jienastit válggain galget gávdnot jienastuslogus. Sihke Álbmotregistara dieđut ja jienasteaddji čujuhus lea, mearrida guđe suohkanis beasat jienastit.
Válgadirektoráhtta ávžžuha olbmuid dieđihit Álbmotregistarii ođđa čujuhusa, go ii leat doarvái dušše dieđihit Postii.
