-Almmuhus-
-Almmuhus-
-Almmuhus-
OĐĐASAT– Dehálaš čájehit ahte guldalit eamiálbmogiid

– Dehálaš čájehit ahte guldalit eamiálbmogiid

-

-

DNB lea skábmamánu rájes árvvoštallan makkár čanastagat sis galget leat Dakota Access Pipeline prošeaktadoarjagis. Báŋku lea dál šiehtadan vuovdit iežaset oasi loanas.

– Mii áigut vuovdima bokte addit signála ahte dakkár prošeavttain lea dehálaš buorebut guldalit eamiálbmogiid guoskevaš guovlluin. Vaikko prošeavtta bealis leat geahččalan ráđđádallat, de lea ollu mii čájeha ahte dat ii leat leamaš doarvái, lohka DNB váldokundáriid ja internašunála doaimmaid konsearnadirektevra Harald Serck-Hanssen preassadieđáhusas.

 

Ieža guorahallan eamiálbmotrivttiid

Maŋŋel go DNB mearridii vuovdit foandainvesteremiid skábmamánus, de čuovvoledje Norgga eará ruhtadaninstitušuvnnat, ja leat vuovdán iežaset investeremiid.

DNB muitalii ahte prošeaktaruhtadeami vuovdin lei árvvoštallojuvvon, muhto ádjána guhkit jođihit dan go ossosiid vuovdit.

DNB lea geahččalan váikkuhit proseassa ja ávžžuhan riidduid unnidit.

Báŋku lea maid bealátkeahtes guorahallama čađahan mas leat iskan eamiálbmotrivttiid dán áššis.

Gieskat dieđihii maiddái KLP ahte geassádit eret DAPL prošeavttas.

 

Kundarat maid váikkuhan

– Proseassa bokte leat deaivvadan iešguđet beliiguin geain lea beroštupmi áššis ja váldán vuhtii oaiviliid. Mii leat deaivvadan Standing Rock ovddasteddjiiguin. Mii leat maid doalahan oktavuođa fitnodagain mii lea huksen oljorevrre. Ollu kundarat leat váldán oktavuođa báŋkkuin ja muitalan iežaset vuordámušaid báŋkui. Mii leat buot oaiviliid geahččan ollislaččat go leat árvvoštallan ášši, muitala Serck-Hanssen.

DNB báŋkkus eai leat šat njuolgut ekonomalaš čanastagat Dakota Access Pipeline prošektii.

-Almmuhus-