-Almmuhus-
OĐĐASAT-Dehálaš ahte CWD dávdda birra bohtet rievttes dieđut

-Dehálaš ahte CWD dávdda birra bohtet rievttes dieđut

Journalista

-

-

Stensaas njuovahaga jođiheaddji luohttá Biebmobearráigeahču dárkkistemiide ja ii oainne CWD dávda galgá buktit váttisvuođaid bohccobiergomárkanii.

Eanandoallu- ja biebmodepartemeanta leat dál mearridan ahte olles goddeealu Nordfjella guovllus, birrasiid 2200 bohcco, galget buot njuovvat eastadan dihte CWD dávdda. Gottit main ii čájehuvvo dávda galget vuvdojuvvot márkanis.

 

Dohkkehuvvon biebmun

Arnstein Stensaas lea beaivválaš jođiheaddji Stensaas njuovahagas, Plassjes, ii oainne váttisvuohtan ahte CWD dávda beaggá medias.

– Mu mielas lea hui dehálaš ahte dieđut bohtet olggos álbmogii, muhto das ferte Biebmobearráigeahčču hui dárkilit deattuhit ahte leat gottit, ja lea njuvvon dávddaeastadan oktavuođas. Ferte maid deattuhuvvot ahte buot biergu dain gottiin mii manna márkanii, lea Biebmobearráigeahčču iskkan ja dárkkistan, ja lea dohkkehuvvon biebmun, nu movt dahká buot borramušain vaikko gos riikkas boahtá, lohká Stensaas.

 

Ii guoskka biergobuvttadeapmái

Stensaas lohká dalle go becquerell álggos bođii de ledje hástalusat oaččot rievttes dieđuid álbmogii, ja dat ii lihkostuvvan nu bures ja buvttii hástalusaid biergomárkanii.

Dál luohttá son áibbas ahte Biebmobearráigeahčču nákce dan ovddasvástádusa.

– Nu movt mun oainnán dát CWD dávda ii guoskka biergobuvttadeapmái movtge, danne go eallit main lea dávda eai šatta goassige biebmun, danne go dat han eai mana Biebmobearráigeahču dárkkistemiid čađa, lohká son.

 

Sihkkarastet buriid vuogádagaid

Finnmark Rein beaivválaš jođiheaddji Are Smuk Figved oaidná hástalussan go medias lea nu stuora fokus CWD dávdii, danne go dábálaš olbmot eai danne soaitte nagodit earuhit gottiid ja bohccuid.

– Buoremus boazodollui lea ahte fokusa bidjat unnimus lági mielde CWD dávdii, ja mii Finnmark Reinas bargat siskkáldasat ovttas eará njuovahagaiguin ja Biebmobearráigeahčuin sihkkarastet buriid vuogádagaid iskkat buot orohagaid ja dainna lágiin dearvvašnuhttet Finnmárku ja boazodoalu, čállá son facebookas.

Ávvir ii leat fáhten Finnmark Rein ságaide dán áššis. Mii leat maid leamaš oktavuođas Min Boazu fitnodagain, doppe eai hálit searvat áššái.

 

Loga maid: Addá lobi jávkadit gottiid Nordfjella guovllus

Biebmobearráigeahču CWD dávdda iskosat maid leat dán jagi dahkan ja mannan jagi logut: 

 

 

 

-Almmuhus-