Mannan mánnodaga, skábmamánu 9. beaivvi, vulggii viehkanstafeahtta Gironis Sámis Pariisii Frankriikii. Dáhpáhusa gehčče 20 000 olbmo neahta bokte.
Mannan mánnodaga, skábmamánu 9. beaivvi, vulggii viehkanstafeahtta Gironis Sámis Pariisii Frankriikii. Dáhpáhusa gehčče 20 000 olbmo neahta bokte.
Mannan mánnodaga, skábmamánu 9. beaivvi, vulggii viehkanstafeahtta Gironis Sámis Pariisii Frankriikii. Viehkama ulbmil lea čalmmustahttit dálkkádatrievdama. Skábmamánu 29. beaivvi galgá stafeahtta ollet Pariisii lágideddjiid áigumušaid mielde. Vuosttaš beaivvi rájes viehkama lei vejolaš čuovvut neahttasáddaga bokte.
20 000 olbmo
Viehkanstafeahta, man lea vejolaš čuovvut neahta bokte, ledje vuosttaš beivviid ollu olbmot geahččan.
– Gaskal skábmamánu 9. ja 11. beaivvi sáddaga gehčče measta 20 000 ovttaskas interneahttageavaheaddji, muitala neahttasáddaga ovddasteaddji Hannah Davidsson Ávvirii.
Son lasihastá vel:
– Dá lea dego valáštallandáhpáhus go 20 000 olbmo čoahkkanit valáštallanšilljui, muitala Davidsson.
Juohke diimmu birrasii 700 ja 1000 ovttaskas interneahttageavaheaddji gehččet dáhpáhusa neahta bokte.
– Dat mearkkaša ahte juohke viehkkis leat moaddečuođi čuovvoleaddji geat gehččet su iežaset ruovttuin neahta bokte, loahpaha Hannah Davidsson.
Sáttalágideaddjit eai sáhttán dadjat makkár riikkaid olbmot čuvvot viehkanstafeahta neahta bokte.
– Danin go lea dehálaš ášši
Sámi girjječálli Anne Wuolab, gii ássá Likšus Ruoŧabeale Sámis, lea okta dain gii dárkilit čuovvu viehkama neahttasáddaga bokte.
– Lea mu geatnegasvuohta čuovvut ja guldalit olbmuid, álbmogiid dáhtu seailluhit eatnama. Mus ge lea boahtte buolva iežan hálddus. Danne mun čuovun stafeahta neahtas, logan vihkkiid birra ja bijan iežan áiggi gulahallat eatnama ássiiguin. Ášši lea duođalaš, vuoiggalaš ja nana.
Anne Wuolab ge bidjá jearaldaga.
– Jogo don leat bidjan áiggi ipmirdit manne dát duhát olbmo vihket Parisii ja mii dat lea juohkehačča dáhttu? Moai gulahalle go donge dieđát manne sámit ja earát vihket dearvvuođaiguin máilmmi mearrideddjiid lusa. Čuovvut stafeahta lea mu viehkan, čilge Wuolab Ávvirii.
Ávvir lea maid čohkken muhtun Anne Wuolaba almmuhemiid viehkanstafeahta oktavuođas.
RFYL 22: Lahppon Biŧumii? Orrot diimmu maŋŋelis áigemeriid. Har de kjørt seg bort i Piteå? Ser ut som forsinkelsen er 1 time.
Posted by Anne Wuolab on 11. November 2015
RFYL 18: ollemin Luvllahii. Beana maid mielde. Nu nærmer seg klimatstafetten Luleå. Hunden springer med.
Posted by Anne Wuolab on 10. November 2015
RFYL 17: Gea man somá: sámegillii čállán viehkama áigumuša! Vuollerim nå. #runforyourlife
Posted by Anne Wuolab on 10. November 2015