Nuorat jođihit birasdebáhta gos digaštallet Finnmárkku luonddugeavaheami.
Nuorat jođihit birasdebáhta gos digaštallet Finnmárkku luonddugeavaheami.
Birasvahkku oktavuođas lágida Álttá girjerájus ovttas Birasossodagain Álttá suohkanis debáhttaeahkeda, dieđiha Álttá girjerájus preassadieđáhusa bokte.
– Mii lágidit birasdebáhta ja fáddá lea makkár balánsa ferte leat go geavahit ja movt gáhttet Finnmárkkuluonddu, muitala girjerájusjođiheaddji Sonja-Kristin Granaas.
Nuorat ieža mielde
John Harald Skum Álttá girjerádjosis muitala ahte birasdebáhta leat nuorat geat čađahit ja nuorat geat digaštallet debáhtas mánnodaga geassemánu 8.beaivve dii.19.00-20.30 Álttá girjerádjosis.
Muhtin nuorat geat leat mielde digaštallamis leat; Steffen Eriksen Haneboe Álttá Unge Høyre, Kamilla Elene Samuelsen Natur og ungdom Alta, Ulrika Louisa Snowdon Norgga Sámiid Riikasearvvi Nuorat, ja Unge Venstre Alta.
Debáhttajođiheaddji lea Sivert Isaksen-Warth, gii lea fylkkajođiheaddji ja riikastivralahttu Ohppiidorganisašuvnnas. Dasa lassin galgá Lena Viltok Johkamohkis eret, álggahit debáhta ja muitalit iežas barggu ja vásáhusa ruvkedoaimmaid vuosttá. Muđuid lea fylkkasátnejođiheaddji ja FEFO-lahttu Runar Sjåstad maid mielde digaštallamis.
