Bargobearráigeahču lea rissen Kárášjoga gieldda nannosit maŋimuš mánuid, muhto dál lea teknihkalašossodat sádden duođaštusaid gáibiduvvon dearvvašvuođa-, biras- ja sihkkarvuođa čađahuvvon doaimmain.
Bargobearráigeahču lea rissen Kárášjoga gieldda nannosit maŋimuš mánuid, muhto dál lea teknihkalašossodat sádden duođaštusaid gáibiduvvon dearvvašvuođa-, biras- ja sihkkarvuođa čađahuvvon doaimmain.
Bargobearráigeahčču lei mannan mánus váruhan Kárášjoga gieldda teknihkalaš ossodaga oažžut bággosáhkuid jus eai deavdde gáibádusaid áigemeari rádjái, mii lei skábmamánu 24. beaivvi. Bargobearráigeahčču čađahii dárkkisteami miessemánu 13. beaivvi diibmá.
Váilevašvuođat
Dearvvašvuođa-, biras- ja sihkkarvuođa gáibádusaid ektui ledje doppe maid váilevašvuođat. Dát gusket risikokártemiid, čuovvuleapmái ja doaimmaid johtui bidjama.
Dasa vástidii doaibmi gielddalaš jođiheaddji Helge Nystad ahte sis leat doaimmat jođus ja sávvamis nagodit sáddet duođaštusa devdojuvvon gáibádusain ovdal áigemeari.
– Mii leat bargamin kártema ektui, mas mis váilot ain guokte čuoggá. Mun sáhtán leat muhtin muddui ovttaoaivilis áššemeannudeddjiin rutiinnaid ektui, muhto mis lea ollu buorránan maiddái, deattuhii Nystad jearahallamis skábmamánus.
Sádden duođaštusa
Gielda lea sádden reivve Bargobearráigehččui seamma beaivvi go lei áigemearri ja čállet sin dál deavdán buot gáibádusaid. Mielddusin leat bidjan duođaštusaid čađahuvvon doaimmain.
