Ávvir ovdanbuktá listonjunnošiid válgaáššiid, Ovddádusbellodaga 1. evttohas Deanus, Reidar Varsi álggaha:
Ávvir ovdanbuktá listonjunnošiid válgaáššiid, Ovddádusbellodaga 1. evttohas Deanus, Reidar Varsi álggaha:
Ávvira válgasiidduin gávnnat min vuoruhanguovlluid listtuid ja bellodagaid mat leat searvan gielddaválggaid. Min vuoruhan guovllut leat Gáivuotna, Guovdageaidnu, Kárášjohka, Porsáŋgu, Deatnu ja Unjárga.
Ávvir lea jearran buot listonjunnošiin čuovvovaš gažaldagaid, ja vástádusaid almmuhat dađistaga:
1. Makkár ášši anát don deháleamos válgaáššin din suohkanis?
2. Mii du oaidnu lea dan áššis?
3. Mat leat du váibmoáššit?
Vuosttaš guhte vástida gažaldagaide lea Ovddádusbellodaga sátnejođiheaddjievttohas Deanus, Reidar Varsi.
– Mii vuoruhat dearvvašvuohta ja fuollaáššiid vuosttamužžan.
Son čilge ahte ii mihkkege leat nu dehálaš go oadjebasvuohta ja dearvvašvuohta.
– Mii galgat sihkkarastit dearvvašvuohta- ja fuollabálvalusa mii atná eaŋkilolbmuid guovddážis, ja dát guoská erenoamážit vuorrasiid dáfus. Buohkain geain lea fuolladárbu lea galget oažžut buriid ja gutnálaš bálvalusaid, ja bálvalus galgá leat olámuttos go dárbu deaivida.
– Iige galgga leat gitta das mo gieldda ekonomiija lea, dadjá Varsi.
Son lohká iežas áigut nannet dearvvašvuođasuorggi:
– Mun áiggun nannet dearvvašvuođa- ja fuollasuorggi bargoveaga ja hukset ođđa buhcciidruovttosajiid gielddas. Dát lea vuosttaš bargu.
Válgasiidduiguin gávnnat válgaáššiid vuoruhuvvon gielddain, muhto maiddái eará guovlluin.
