Máŋga riikka leat fargga rihkkumin Álbmotdearvvašvuođainstituhta koronagáibádusaid. Dearvvašvuođadirektoráhtta lea sádden lagabui 5500 SMS-dieđu norgalaččaide geat leat suojeheames riikkain.
– Mii sáddet SMS:id norgalaččaide geat leat riikkain maid ballat šaddat ruoksadin. Mii fuomášuhttit ahte dilálašvuohta lea rievdagoahtimin ja lea dehálaš čuovvut mielde ja árvvoštallat iežas dili, dadjá Dearvvašvuođadirektoráhta fágadirektevra Karin Straume Dagbladet aviisii.
Bearjadaga galgá ráđđehus mearridit galget go čuovvut Álbmotdearvvašvuođainstituhta ávžžuhusa ásahit errema jus boahtá mátkkis Frankriikkas, Sveitsas ja Tsjekkias.
Frankriikkas lea dál njoammunlohku 21,7 juohke 100 000 ássis, Tsjekkias ledje gaskavahkku 27,3 ožžon dávdda juohke 100 000 ássis, ja Sveitsas ledje 22,9 juohke 100 000 ássis.
©NTB
