Dearvvašvuođadirektoráhta ođđa logut čájehit ahte sii geat ollesáiggi barget suohkana dearvvašvuođa- ja fuolahusbálvalusain lassánit, muhto leat ain unnán.
2023:s lei ollesáiggi oassi suohkana ásahusain 25 proseantta ja ruovttubálvalusas 28 proseantta, čállá Dearvvašvuođadirektoráhtta.
2016:s fas 19 ja 20 proseantta.
Gaskamearálaš virgeproseanta daid fidnojoavkkuid gaskkas lei 59 ja 57 proseantta. Oslo lea fylka gos eanemusat barget ollesáiggi suohkana dearvvašvuođa- ja fuolahusásahusain (32,7 proseantta), ja Romsa ja Finnmárku leat buoremusat go lea sáhka ollesáiggi ruovttubálvalusas (30,7 proseantta). Goappašiid kategoriijas lea Innlandet vuolimuččas.
– Lea buorre go oaidnit lassáneami ollesáiggivirggiin ja virgeproseanttain, muhto dat lohku lea ain beare vuollin. Mii háliidit eambbo ollesáiggebargiid, danne go das leat positiiva váikkuhusat geavaheddjiide. pasieanttaide ja sin oapmahaččaide. De eai dárbbat doalahit oktavuođa nu ollu olbmuiguin, vai dovdet oadjebasvuođa dovdat sin geat fuolahit sin, dadjá Dearvvašvuođadirektoráhta divišuvdnahoavda, Helen Brandstorp.
Norgga Buohccedivššálihtu (NSF) jođiheaddji Lill Sverresdatter Larsen reagere daidda loguide.
– Dat čuohcá pasieantačuovvoleami dorvvolašvuhtii ja dássedisvuhtii, ja dat sáhttá dagahit ahte suohkanat fertejit eambbo váldit láigobargiid. Min logut čájehit ahte Norgga suohkanat geavahit eambbo ja eambbo láigohit buohccidivššáriid, dadjá son TV 2:i.
©NTB
