Badjel miljonbeali norgalaččain lea dearvvašvuođa- ja sosiálafágalaš oahppi, čájehit 2017 4.kvártala logut. Dán suorggi bargit lassánit 2,9 proseanttain ovddit jagi ektui.
Badjel miljonbeali norgalaččain lea dearvvašvuođa- ja sosiálafágalaš oahppi, čájehit 2017 4.kvártala logut. Dán suorggi bargit lassánit 2,9 proseanttain ovddit jagi ektui.
Lagabui 513.000 olbmos gaskal 15-74 jagi lea muhtin dearvvašvuođa- ja sosiálafágalaš oahppu, ja lagabui 80 proseantta dáin bargá dearvvašvuođa- ja sosiálasuorggis.
Dát logut leat bisson stáđisin maŋimuš čieža jagi.
6 proseantta dearvvašvuođa- ja sosiálafágalaš bargiin ges barget oahpahussuorggis, čájehit Dearvvašvuođa- ja sosiálabargiid logut.
Eanemus nissonat
83,7 proseantta sis geain lea dearvvašvuođa- ja sosiálafágalaš oahppu leat nissonolbmot.
2017:s ledje 348.000 nissona dán suorggis ja 68.000 ges dievddut.
Dattetge lassánit dievdoolbmot eanet dearvvašvuođa- ja sosiálafágalaš oahpuin, dievddut lassánedje 3,0 proseanttain ja nissonat ges 2,2 proseanttain, čállá Statistihkalaš guovddášdoaimmahat.