Deanu gielda dieđiha ahte sis lea ráddjejuvvon covid-19 iskan vejolašvuohta beassážiid.
Deanu doavtterguovddážis lea ráddjejuvvon vejolašvuohta beassážiid covid-19 testemii. Fállojuvvo testenvejolašvuohta gitta 31.3.21 rádjái. Daningo poastajohtolagas lea boddu, de ii sáhte sáddet PCR-teasttaid (dábálaš teasttaid) UNN:i áigodagas 1.-6.4.21.
– Jođánis teasttaid geavaheapmi olbmuide geain eai leat dávdamearkkat eai leat nu sihkkarat ja sáhttet addit boasttubohtosa, sihke negatiivvalaš dahje positiivvalaš. Danin lea gielddaváldodoavttir árvvoštallan ahte jođánis testema eai fála olbmuide geain eai leat dávdamearkkat, dieđiha Deanu gielddaváldodoavttir Kjell Magne Johnsen.
Jus leat dávdamearkkat
Dábálaš teasttaid sáhttá fas váldit 6.4.21 rájes. Beassážiid fertejit olbmot, geain leat dávdamearkkat geat váruhit sidjiide sáhttá njommon covid-19, váldit oktavuođa váktadoaktáriin gii árvvoštallá galgá go jođánis teasta váldot.