Ođđa šaldi mii huksejuvvo Detnui ii šatta dušše mealgat hálbbibun, muhto dat galgá maiddái gárvvisin šihttojuvvon áigái.
Ođđa šaldi mii huksejuvvo Detnui ii šatta dušše mealgat hálbbibun, muhto dat galgá maiddái gárvvisin šihttojuvvon áigái.
Go ođđa Deanu šaldi rahppo borgemánus boahtte jagi, de lea Stáhta geaidnodoaimmahat doallan sihke áigemeari ja bušeahta.
– Borgemánu logut čájehit ahte prošektii leat golahan 25 miljovnna ruvnnu unnit go lei meroštallojuvvon. Einnostus lea seastit vel eanet huksenbargguin ja dat mearkkaša ahte šaldi šaddá vel hálbbibut, dadjá Stáhta geaidnodoaimmahaga prošeaktajođiheaddji Kaare Ramberg preassadieđáhusas.
Deanu šaldi prošektii ledje rehkenastán geavahit oktiibuot 578 miljovnna ruvnnu.
Go vuođđobarggut čázi vuolde leat čađahuvvon ja go márkanhattit eai leat badjelis haddefálaldaga ektui, de eai jáhke huksenbargguid šat divrut ja danin einnostit seastit badjel 25 miljovnna ruvnnu.
