Gielda lea sádden Stáhtahálddašeaddjái ohcama guhkidit skohterláhtuid rabasáiggi gitta miessemánu 18. beaivái.
Visot skohterláhtuin lea lohpi vuodjit gitta miessemánu viđat beaivái dál vuos ovdal go gielda oažžu vástádusa ohcamuššii.
– Fuomášuhttit ahte beroškeahttá Stáhtahálddašeaddji mearrádusas ohcama olis, gielda gidde láhtuid gos ii leat šat dorvvolaš vuodjit. Dálkeeinnostusa mielde lea ain čoaska dálki, muhto dat sáhttá álo rievdat, čállá gielda ruovttusiiddus.
Eanet dieđuid skohterláhtuid birra gávnnat gieldda ruovttosiiddus.
