-Almmuhus-
OĐĐASATDeanu gielda juohká dulve­sihkkarastin­rusttegiid

Deanu gielda juohká dulve­sihkkarastin­rusttegiid

-

-

Deanu gielda lea oastán dulvesihkkarastinrusttegiid ja daid lea vejolaš fidnet gielddas.

Ráđđehus lea várren 100 miljovnna ruvnnu dulvesihkkarastinruhtadeapmái, ja dan oktavuođas ozai ge Deanu gielda ruhtadeami ja oaččui 1,4 miljovnna ruvnno mat leat várrejuvvon dasa.

– Dat buvttii vejolašvuođa gildii oastit dulvesihkkarastinrusttegiid, mat muhtin ráje leat jurddašuvvon juhkkojuvvot ja muhtin ráje dain leat min duohken maid lea vejolaš disponeret, dieđiha gielda iežaset neahttasiidduin. 

Fidnet rustegiid

Rusttegat leat sajis geassemánu 5. beaivvi rájes.

– Mii oažžut dál earret eará 2000 horstaseahka maid sáhttá viežžat ja deavdit sáddo Tommy Olsena luhtte Grenveien 3, dát lea nuvttá, čállá gielda.

Sáttoseahkat ja geahppa dulvesihkkarastinrusttegat leat olámuttus dii. 13:00 geassemánu 5. beaivvi rájes. Jus áigu dáid rusttegiid, de ferte váldit oktavuođa Deanušalddi buollinstašuvnnain.

-Almmuhus-