Deanu ássiid iskosat main lea ožžon vástádusa leat negatiivva.
Gielddadoavttir dieđiha ahte leat 42 negatiiva koronaiskosa daid vuosttaš beivviid dán vahkus. Dat mearkkaša maiddái ahte lagašolbmot, geat leat leamaš oktavuođas dainna geas lei duođaštuvvon korona, leat negatiivvat. Leat muhtin iskosat maid válde gaskavahku main ain váilu vástádus, ja dain maid válde duorastaga ain váilu vástádus. Ledje 45:s geat válde iskosa duorastaga dán vahku.
– Mii muittuhit ahte ferte doalahit gaskka, ja ahte váldá oktavuođa koronatelefuvnnain 400 05 014 jus leat koronadávdamearkkkat vai sáhttá váldit iskosa, čállá Deanu gieldda ráđđealmmái Jørn Aslaksen.
