Dál lea áigi mearridit áigu go searvat dán jagaš Nuoraid Kulturdeaivvadeapmái, ovdal dieđihanáigemeari.
Dál lea áigi mearridit áigu go searvat dán jagaš Nuoraid Kulturdeaivvadeapmái, ovdal dieđihanáigemeari.
Liikot go govvet, lávlut, juoigat, dánsut, filmmaid ráhkadit, láidestit, tevdnet, málet dahje juoga eará?
De lea Nuoraid Kulturdeaivvadeami (NKD) juoga dutnje!
Hutkat juoga fárrolaga
NKD lea deaivvadanbáiki nuoraide ja kultuvrii, gos nuorat hutket diŋggaid fárrolaga.
Dáppe sáhtat čájehit juoga masa liikot, dahje veahkehit earáid oidnot.
NKD:As ii leat rádji maid sáhtat bargat, muhto addá nuoraide vejolašvuođa bargat dan masa
liikojit!
Boahtte vahkku, guovvamánu 10. beaivvi lágiduvvo NKD Guovdageainnus, Diehtosiiddas.
Dán radjái leat 14:is dieđihuvvon, muhto lea sadji vel eambbosiidda.
Jus leat čiegadeame ain iežat taleanta, de soaitá dál du vejolašvuohta čájehit maid máhtat.
Dieđihanáigemearri lea ihttin, guovvamánu 3. beaivvi diibmu gávccis iđđes.
