Girkočoahkkin mearridan ásahit sámi girkolaš válgačoahkkima. Illudahtti, sámediggeráđđelahttu mielas.
Girkočoahkkin mearridan ásahit sámi girkolaš válgačoahkkima. Illudahtti, sámediggeráđđelahttu mielas.
Girkočoahkkin mearridii cuoŋománu 16. beaivvi ovttajienalaččat ásahit sámi girkolaš válgačoahkkima.
Válgačoahkkin vállje sámi ovddasteddjiid bismagodderáđiide Davvi-Hålogalánddas ja Mátta-Hålogalánddas ja nominere lahtuid Sámi girkoráđđái.
Sámi girkolaš válgačoahkkin čoaggana juohke njealját jagi ovddabealde girkoválggaid, vuosttaš geardde ovdal jagi 2019 Girkoválggaid.
– Girkočoahkkin lea válljen čielga háltti. Norgga Girkus lea fokusis sámi demokratiija ovddideapmi. Girku buvttiha arena maiddái sámi girkoeallimii, gos áigeguovdilis áššiid ja fáttáid birra sáhttá ságastit, seammás go válgačoahkkimis lea čielga mandáhta evttohit sámi ovddastusa girkolaš lávdegottiide, dadjá Mikkelsen.
– Okta lávki ovddas guvlui
Ortnega revideremis bismmaid válljema ektui Norgga Girkus, mearridii Girkočoahkkin ahte Sámi girkoráđđi oažžu jienastanrievtti bismma ráđđeaddi jienasteamis Davvi-Hålogalándda, Mátta-Hålogalándda, Nidaros, Hamar, Møre ja Oslo bismagottiin.
– Erenoamáš illudahtti lea oaidnit go gažaldagat mieldemearrideamis gozihuvvojit. Okta lávki ovddas guvlui lea dat go Sámi girkoráđđi oažžu bismma nammadanrolla, dadjá Mikkelsen.
Sara Ellen Anne Eirai válljejuvvui fas ráđđejođiheaddjin guovtti ođđa jahkái.
