Ođđa raporta čájeha ahte norgalaččat juhket unnimusat buot Davviriikkain. Gaskamearálaččat juhká juohke norgalaš, gii lea badjel 15-jahkásaš, 6,8 lihttera ráinnas alkohola jahkásaččat.
Norgga logut leat 2016:s ja fátmmasta taxfree- ja rádjagávppašeami.
Dánskalaččat, geat leat badjel 14-jahkásaččat, juhket 9,1 lihttera ráinnas alkohola jahkásaččat, 2017 loguid mielde.
Raporta ovdanbuktui buot máilmmi alkoholamonopolaid čoagganeamis, mii dollui Oslos dán vahkku.
Čoagganeapmi fátmmastii 17 stáhta USA:s ja beali Kanadas, ja maid davviriikkaid Norgga, Ruoŧa, Suoma, Islándda ja Fearasulluid.
– Ahte alkoholamannu Norggas lea nu vuollegaš čájeha ahte viidnamonopolaortnet lea doaibman áigumuša nammii. Min servodatbargamuš lea sihkkarastit geatnegas vuovdaleami alkoholas. Danne leat dat ilolaš logut midjiide, muitala Elisabeth Hunter, Vinmonopolet hálddašeaddji direktevra.