-Almmuhus-
-Almmuhus-
OĐĐASATDavviriikkaid riikaarkiivadoallit suokkardallet Guovdageainnus

Davviriikkaid riikaarkiivadoallit suokkardallet Guovdageainnus

Journalista

-

-

Ođđajagemánu loahpas čoagganit Suoma, Ruoŧa ja Norgga riikaarkiivadoallit Guovdageidnui suokkardallat oktasaš sámi arkiivavuogádaga.

Golmma beaivvi deaivvadeamis sávvet riikaarkiivadoalli Karin Åström Iko (Ruoŧŧa), riikaarkiivadoalli Jussi Nuorteva (Suopma) ja riikaarkiivadoalli Inga Bolstad (Norga) gávdnat oktasaš vuolggasaji viidáset bargguide eamiálbmotarkiivvain.


Govva: Gaskaboddosaš boazoáidi, govvejuvvon 1974:s Kárášjogas. Govven: Erik Borg (arkiivareferánsa: Sámi arkiiva / Erik Borgs foto)

 

Digitála bálgát

Arkiivadoallit vurkejit sámi vuoiŋŋalaš kulturárbbi, dieđiha Arkiivadoaimmahat preassadieđáhusas.

Almmolaš hálddašeapmi eamiálbmogiid arkiivvain buktá rabasvuođa iežaset kulturárbbiide. Eanet ovttasbargu sámi arkiivainstitušuvnnain riikkaidgaskasaččat, lea olu dadjat oktasaš sámi kulturárbbis mii Davviriikkas lea.

Digitála resurssat ja ođđa prošeavttat leat guovddážis, ja prošeavtta bokte galget ovddidit digitála bálgáid mat leat sámi kulturárbbi birra.

 

EU-prošeakta

Čoahkkimis besset riikaarkiivadoallit oahpásmuvvat EU-prošektii mii galgá kártet guovddáš sámi kulturárberiikaarkiivadolliid Eurohpás, go besset gullat prošeavtta «Digital access to Sámi heritage archives» birra.

Ođđajagemánu 29. beaivvis gitta 31. beaivái deaivvadit riikaarkiivadoallit Diehtosiiddas Guovdageainnus. Sámi arkiiva lea guovddáš ovttasbargoguoibmi dán prošeavttas, čuožžu preassadieđáhusas maid Arkiivadoaimmahat lea almmuhan.

-Almmuhus-