Norggas muđui njidjet reastaluvvanlogut, muhto Romssas ja Finnmárkkus leat lassánan 13 proseanttain.
Dihtor- ja guorahallanfitnodat Bisnode ovdanbuktá jahkásaččat fitnodagaid reastaluvvanloguid. Dál leat diimmá logut almmuhuvvon ja logut leat buorit miehtá Norgga, muhto eai fal Romssas ja Finnmárkkus.
Lassáneapmi
Romssas ja Finnmárkkus lea 13 % lassáneapmi reastaluvvamiin dan botta go muđui Norggas njidjet logut. Buoremus logut leat Vestland fylkkas gos reastaluvvan lohku lea njiedjan 24,2 % diibmá.
2019:s reastaluvve Romssas ja Finnmárkkus 200 fitnodaga, dát lohku loktanii 226 fitnodahkii 2020:s. Dat lea 13 % lassáneapmi.