-Almmuhus-
-Almmuhus-
OĐĐASAT Davvin lea geassi guhkkon

Davvin lea geassi guhkkon

-

-

Mihtideamit maŋemus 30 jagi čájehit ahte davvi-Norggas leat lassánan geassebeaivvit. 

Meteorologalaš instituhta dálkkádatdutki Helga Therese Tilley Tajet lea iskan temperatuvrarievdamiid guhkit áigodaga badjel. Son čujuha ahte Bodådjos 1961-1990 áigodagas ledje 90 geassebeaivvi, muhto áigodagas 1990-2019 leat dál 101 geassebeaivvi.  

Davvi  geassebeaivvis lea gaskamearálaš temperatuvra logi ceahki dahje eambo jándoris.

– Rievdamat lea lunddolaš rievdamat dálkkádaga geažil, ja maiddái eanet gilvvavistebeaktu go leat lassánan dálkkádatgássasuođđamat nu go Co2, dadjá Tajet preassadieđáhusas.

Lieggasat beaivvit

Geassi ii leat dušše guhkkon, muhto maiddái lieggasat. Maiddái Romssas ja Čoavddatmohkis lea dál olles vahku guhkit geassi. 

Romssas leat maŋimuš 30 jagis leamaš 70 geassebeaivvi ja Čoavddatmohkis leat dál 66 geassebeaivvi. Doppe lea maiddái šaddan njeallje liigegeassebeaivvi gos leat 20 lieggaceahki, gos dál gaskamearálaččat leat 18 lieggabeaivvi.

– Geassi lea guhkit miehtá riikka, muhto temperaturovdáneapmi lea oppalaččat stuorát Davvi-Norggas. Dat mii lea mearkkašahtti lea ahte sihke giđa ja čavčča liegganeapmi lea stuorámus, ja lea ge davvin gos mii oaidnit vahku liiggás geasi, mii lea mearkkašahtti, dadjá Tajet.

- Advertisement -
-Almmuhus-