-Almmuhus-
OĐĐASATDavvin eai vuorut hárjehallat

Davvin eai vuorut hárjehallat

-

-

Varas iskosa logut čájehit ahte Romsa- ja Finnmárkulaččat hárjehallet unnit go eará fylkkain Norggas. Ággan go eai hárjehala lea earret eará  ahte sii vuoruhit eará diŋggaid.

Iskos, maid YouGov lea dahkan Herbalife ovddas ođđajagemánus dán jagi, čájehit ahte okta logi olbmos Romssas ja Finnmárkkus hárjehallet diibmobeale beaivvis. Seammás atnet 41 ja 29 proseantta badjel guokte diimmu interneahtas ja TV geahččamii. 16 proseantta eai hárjehala goassige, ja dušše guovttis viđa olbmos hárjehallet oktii vahkkus dahje unnit.

– Go geasseluopmu lahkonišgoahtá, mearkkaša ollusiidda vuoiŋŋasteapmi. Geasseluopmu sáhttá maiddái leahkit hui buorre áigi álgit eanet lihkadišgoahtit. Jus plánet olu leahkit riddogáttis, de sáhttá beaivválaš vuojadeapmi movttiidahttit eanet lihkadit, lohká Davviriikkaid Herbalife hoavda Mia Bergmann.

 

Vuoruhit eará diŋggaid

Dušše 16 proseantta dadjet ahte eai beroš hárjehallat, ja measta bealli lohket sii vuoruhit eará diŋggaid. Okta viđa olbmos loahpaloahpas maŋidit hárjehallama. Sis geas livčče leamaš dearvvašvuođa ektui mihtut hárjehallat, lohket ii leat motivašuvdna go eai leat joksan mihtuid.

– Lea čielggas ahte gávdnojit ollu geahččalusat, ii dušše borramušat, muhto maiddái mii guoská astoáiggefálaldagaide. Olles 82 proseantta dadjet sidjiide lea dehálaš lihkadit friddjaáiggis, muhto eatnašat eai nákce dan. Joavkohárjehallamat, unnit oassemihttomearit ja eanet hutkás hárjehallanvuogit sáhttet leat čovdosat ollašuhttit hárjehallanplánaid, lohká Bergmann.

 

Doarvái áigi

Iskkus čájeha ahte ii leat unnán áigi mii lea sivva go eai šatta hárjehallat, go 90 proseantta lohket ahte sii atnet eambbo go ovtta diimmu dihtoršearbma ovddabealde.

Logut čájehit ii leat áigi mii lea stuorámus hástalus, muhto mentála fáktorat dego motivašuvdna, beroštupmi ja vuoruheamit. Dat mearkkaša ahte álgit lihkadišgoahtit lea olbmuid oaivvis, ja unnán čadnon ahte ii leat dilli dahje ballu lápmašuvvat, lohká Bergmann.

-Almmuhus-