Ođđabeairuohttaeahkeda šaddá fiinna dálki rakeahtta-báhčimii.
Ođđabeairuohttaeahkeda šaddá fiinna dálki rakeahtta-báhčimii.
– Orru firteme ođđabeivviide, lohká Eldbjørg Moxnes Meteorologalaš instituhtas NTB ođasfitnodahkii.
Siivu buorrána, sidjiide geat leat ruoktot jođus juovlaluomu maŋŋel. Garradálkkit eai ge leat vuordimis.
– Lea dieđihan fierttu, lihkus. Dat lea buorre ođas sidjiide geat vánddardit, lohká Moxnes.
Buorre ođđajagidálki
Vaikke lea ain árrat einnostit sotnabeaivvi dálkki, de oaivvilda meteorologa ahte Davvi-Norggas šaddá buoremus dálki. Lea dieđihan fierttu ja jealahasa, ii galgga várra nu buolaš ge, sullii 10 galbmaceahki.
Lulde ii leat fas liikká sihkar, soaitá dálki boahtit. Sáhttá maid jealahas ođđabeairuohta, muhto gaskaijaáigge sáhttá balvet. Leat dat olut rakeahtat mat luitet partihkkaliid, ja dain sáhttá šaddat balva dahje mierká, čilge Moxnes.
(©NTB)
