– Dán rádjái leat dušše almmuhan joavkkuid mat bohtet Davvi-Norggas, ja dainna áigut mii joatkit, muitala Sørøyrocken lágideaddji Ken A. Brox.
– Dán rádjái leat dušše almmuhan joavkkuid mat bohtet Davvi-Norggas, ja dainna áigut mii joatkit, muitala Sørøyrocken lágideaddji Ken A. Brox.
Dat guokte joavkku maid festiválajođiheaddji almmuha dál, leat Álttá ja Ákŋoluovtta joavkkut. Namalassii «NorthKid» ja «Pasemaker».
Davvimánát
NorthKid lea áibbas ođđa Finnmárkku joavku. Joavku lea dál bargame studios ja ráhkadeame sin vuosttaš skearru. Geasset almmuhuvvo vuosttaš singel.
– Dát fiinna bártnit ráhkadit musihka mii oažžu du dánsut ja lávlut. Maŋŋel konseartta soitet jurdagat čuožžilit «Lea go dá “boyband?”» «Goas sii šaddet beakkánat?», ja «Gean luhtte ferte liekkadit vai beassá maŋábeallái lávddi?», čuožžu preassadieđáhusas.
«Váibmomášiidna»
Pasemaker joavkkus čuvget sevdnjes ja galbma synthat oktan johtti ritmmain maid sáhttá buohtastahttit coahkki váimmuin, ja movt medisiinnalaš pacemaker (váibmomašiidna) doalaha váimmu gievran ja jotkkolažžan.
2015 giđa álggahuvvui Elektro-Pop joavku Pasemaker. Joavku lea ožžon ollu fuomášumi maŋemuš áiggi, sihke BBC, NRK P3, ja lea maid eanemus čuojahuvvon lávlla TV2 prográmmas «The Stream» lávlagiin «Wolf».
