-Almmuhus-
OĐĐASATDavvi-Ruoŧas: Korona njoammunlogut leat njiedjan

Davvi-Ruoŧas: Korona njoammunlogut leat njiedjan

-

-

Regiovdna Norrbotten dieđiha preassakonferánssas gaskavahku ahte korona njoammunlogut leat njiedjan davimus Ruoŧas. 

Oktiibuot leat 288 olbmos dieđihuvvon koronadávda davimus Ruoŧas Norrbottena leanas. Ja 38 leat jápmán dávdii,  87 proseantta dain ledje vuoras olbmot badjel 70 jagi. 

Dikšundárbbut unnot maid meastta beliin ja jápminlogut maid, dieđiha Regiovdna Norrbotten. 

– Logut čájehit ahte njoammunlogut leat njiedjan dan maŋemus golmma vahkkus. Ja ahte sosiála erren lea doaibman.

– Min fertet joatkit seammaládje go dat gádju olbmuid heakkaid go olbmot eai buohccá koronadávdii, dadjá Anders Nystedt, njoammusuodjalandoavttir Regiovnnas. 

-Almmuhus-