-Almmuhus-
-Almmuhus-
-Almmuhus-
SMÁVVAOĐĐASATDavvi-Norgga universitehta­buohcceviessu sáhkkohallan

Davvi-Norgga universitehta­buohcceviessu sáhkkohallan

-

-

Universitehtabuohcceviessu Davvi-Norggas lea sáhkkohallan 300.000 ruvnnuin maŋŋel go pasieanta mas varramirkkohas jámii njukčamánus 2017:s.

Sivvan sáhkkui lea go pasieanta lea politiijaid dieđuid mielde veallán menddo guhká divššu haga, dan dieđiha Tromssa politiijaguovlu preassadieđáhusas.

Pasieanta, geas lei varramirkkohas, jámii dan sivas go dávda fuomášuvvui menddo maŋŋit ja dikšu ii álggahuvvon nu jođánit go lei galgat. Maŋŋel dáhpáhusa čielggai ahte UNN:s ledje behtolaš bargodábit almmustahttit ja dikšut dákkár dáhpáhusaid.

UNN dieđiha preassadieđáhusas ahte váldet sáhku duođas, ja šállošit pasieantta bearrašii.

– Vuosttažettiin háliidit mii šállošit massima ja noađi maid dát lea dagahan oapmahaččaide. Mii meannudit ášši dál, ja joatkit buoridanbarggu mainna mii álggiimet dalá maŋŋá dáhpáhusa, dadjá dutkan- ja oahpahushoavda Einar Bugge UNN:s.

-Almmuhus-