-Almmuhus-
-Almmuhus-
OĐĐASAT Davvi-Norgga njiedjá olmmoš­lohku eane­mus 

Davvi-Norgga njiedjá olmmoš­lohku eane­mus 

-

-

Davvi-Norgga njeijai olmmošlohku measta 2000 olbmuin 2019:s čájehit Statistihkalaš guovddášdoaimmahaga (SSB) ođđa logut. 

Davvi-Norgga ássanlohku lea dal ovcci proseantta olles Norggas. Olusat válljejit fárret  ja Finnmárkkus njieijai olmmošlohku 393 olbmuin. Romssas fas 600 ja Nordlánda 912 olbmuin. 

– Eanemus olbmot fárrejit eret Romssas ja Finnmárkkus, ja Nordlánddas ja Sogn ja Fjordane, dadjá SSB seniordutki Astri Syse NTB:i.

235 suohkanis njiejai olmmošlohku ja Davvi-Norgga suohkaniin njiejai olmmošlohku 74 suohkanis. Oktiibuot leat 87 suohkana Davvi-Norggas, dieđiha SSB. 

Sivva go olmmošlohku njiedjá lea ahte olusat fárrejit, muhto maid ahte eanebut jápmet go riegádit. 

– Olmmošlohku lassána fas Oslos, Troandimis, Bergenis, Stavangeris, Kristiansandas ja Bærumis, dadjá Syse. 

Oslos ja Akerhusas lassánii olmmošlohku 39 400 olbmuin diibmá, čájehit Statistihkalaš guovddášdoaimmahaga logut. 

- Advertisement -
-Almmuhus-