-Almmuhus-
-Almmuhus-
-Almmuhus-
VALÁŠTALLANDavvi-Norgga buoremus iđitborramuš

Davvi-Norgga buoremus iđitborramuš

-

-

Twinings Best Breakfast lea eahpealmmolaš gilvu Norggas. Dán gilvvus Norgga hoteallat gilvalit iđitborramuša ráhkadaeami čehppodagas, ja das beasat lohkat makkár Davvi-Norgga hoteallain lea buoremus iđitborramuš.

Dan jagi serve olles 400 hotealla 19 gielddain gilvvuide.

 

– Norggas lea earenoamáš njálgga hoteallaiđitborramuš, ja dan beassá dábálaččat nuvttá borrat go idjada hoteallas.

Dan dihte lea ge dat gilvu nu dehálaš. Ovccis logis buot hoteallagussiin boradit iđitborramuša Norggas.

Dat buktá hoteallaide vejolašvuođa addit sin gussiide buot buoremus álggu beaivvis, muitala Scandic Hotels administrerende direktevra Svein Arild Steen-Mevold.

 

Vuoitoráhkadanneava

Scandica biebmo- ja jugusdirektevra Morten Malting oaivvilda ahte buorre bálvalus ja ođđabuvttadeapmi dat lea mii buktá buoremus iđitborramuša gussiide.

– Buoremus iđitborramuš gáibida báikkálaš vuođđoávdnasiid, olu barggu ja čađat gazzat ođđa oahpuid biebmoráhkadeamis. Lea maid dehálaš váldit bures vára gussiin ja ahte goahkka lea oidnosis dahje guovddážis. Sihke jođiheaddjit, goahkat ja guossoheaddjit fertejit ipmirdit ja čuovvut ođđa iđitborramuštreanddaid, muitala Malting.

 

Davvi-Norgga vuoitit

Davvi-Norggas fidnet dan buoremus iđitborramuša Scandic Girkonjárggas, Romssas Scandic Ishavshoteallas ja Thon Hotel Lofuohta.

Vuoitin šattai Girkonjárgga Scandic hotealla, ja lea maid vuosttaš háve go sii vuitet. Nubbin šattai Romssa Scandic Ishavshotella ja goalmmádiin Thon Hotel Lofuohta.

 

– Maŋemus jagiid leat mii garrasit bargan vuoi min hoteallaguossit besset návddašit njálgga ja iešguđetlágan iđitbiepmu, vaikko ii gierdda ge buot biepmuid dahje ii sáhte eará sivaid dihte borrat buot biepmuid. Mii fállát buohkaide ollu iešguđetlágan biepmuid. Dat vuoitin buktá midjidde vel eambbo movtta buvttadit vel buoret biepmu ja čájeha ahte lea ávki dan barggus maid mii bargat, muitala Girkonjárgga Scandichotealla direktevra Jevgeni Mlinnikov.

-Almmuhus-