Málatvuomi nisu faskii 2.162.000 ruvnnu Joker spealus Norsk Tippingas.
Badjel 60-jahkásaš Málatvuomi nisu vuittii Joker spealus Norsk Tippingas lávvardaga. Sus lei hástaleaddji lohkoráidu, muhto dattege manai nu bures ahte vuittii spealu stuorámus vuoittu.
Leago vejolaš!
Nisu divttii mášiinna speallat iežas ovddas, ja vuittii 2.162.000 ruvnnu.
– Lea go vejolaš! Dán birra olmmoš dušše niegada, vástidii lihkolašvuoiti maŋŋel go Norsk Tipping riŋgii sutnje muitalit vuoittu birra.
Mánáide ja mánáidmánáide
Maŋŋel vuorbbi áiggui nisu ávvudit, ja son muitala Norsk Tippingii ahte ruhtavuoitu lea buorrin su mánáide ja mánáidmánáide.
– Dát lea áibbas erenomáš. Jurddaš man oallugat leat speallan Jokera, ja de vuorbádit mu váldovuoitin. Manai nu bures go sáhtii, ja illá dusten geahččat TV-sáddaga, lohká nisu Norsk Tippingii. Son ii dáhto almmuhit namas.
