Dearvvašvuohta- ja fuolahusministtar válljii mannan vahkus Rune Rafaelsena Davvi Dearvvašvuođa RHF stivrra ođđa nubbejođiheaddjin.
Inge Lise Strøm geassádii Davvi Dearvvašvuođa stivrras cuoŋománu 16. beaivvi ja su sadjái boahtá Rune Rafaelsen. Rafaelsen lea juo stivrralahttu, ja dat válljen mielddisbuktá ahte bissu jotkkolašvuohta stivrras dearvvašvuođaguovllu gáibideaddji áigodagas, čállá ráđđehus preassadieđáhusas.
Rune Rafaelsen lea Mátta-Várjjaga ovddeš sátnejođiheaddji ja son lea leamaš Barentsčállingotti jođiheaddji gitta jagi 2015:i. Son lea guhkes áiggi bargan sihke politihkain ja servodateallimiin ja sus lea nana gulahallanfierpmádat Davvi-Norggas ja son heive bures stivret nubbejođiheaddjin.
– Lean hui duhtavaš go Rune Rafaelsen váldá badjelasas dan barggu. Seammás háliidan maid giitit Inger Lise Strøma dan buori barggu ovddas maid lea bargan Davvi Dearvvašvuođa ovddas. Son lea leamaš dehálaš stivrra bargui sihke nubbejođiheaddjin ja ovtta gaskka maid doaibmi stivrajođiheaddjin, lohká dearvvašvuohta- ja fuolahusministtar Ingvild Kjerkol.
Inger Lise Strøm lea leamaš Davvi Dearvvašvuođa stivralahttu 2008 rájes ja leamaš dehálaš jotkkolašvuođalahttu Davvi Dearvvašvuođa stivrras.
