Norrbotten leana šattai borgemánu 2. beaivvi ruonáin.
Dal sáhtta mátkkoštit davimuš guovlluide Ruoŧas, iige dárbbaš erremii go joavdá ruovttoluotta Norgii fas. Korona njoammulogut davimuš Ruoŧas leat njiedjan geasi mielde.
Ovdalaččas leat Västerbotten ja Jämtlándda leanat ruonádin.
Dál sáhttet maid Ruoŧa ássit mátkkoštit Norgii go registrerejit iežaset mátkki ja váldet koronaiskosa Norgga rájis, nu dieđiha Norgga ráđđehus.
Lulde leat ain guovllut mat leat runtan dehe ruoksadin. Dat guovllut leat: Gotlanda, Hallanda, Skåne ja Stockholbma.
