Ikte ledje Sámi Grand Prix juoiganoassegilvvut Norgga-, Ruoŧa- ja Suoma bealde.
Sámi Grand Prix juoiganoassegilvvu Kárášjogas vuittii Johan Mikkel Bueng Kárášjogas.
Suoma beale Sámi sámekulturguovddážis Sajosis Anáris lágidedje ikte Sámi Grand Prix -juoiganoassegilvvu. Anárnieida Neeta Jääskö vuittii oassegilvvu livđein, dieđiha Yle Sápmi.
Neeta Jääskö lei áidna oassegilvvu oassálasti. Seammás son lea vuosttaš gilvvu oassálasti gii beassá finálajuoigan oassái, mii lágiduvvo Guovdageainnus, livđein. Dat lei jo goalmmát gearddi go Suoma bealde lágidedje Sámi Grand Prix:a juoiganoassegilvvu.
Johkamohkis ges juoiganoassegilvvu vuittii Tanja Nordfjell Vilhelmina báikkis. Son lei maid áidna oassegilvvu oassálasti, dieđiha ođđasat.se
Loga eambbo Ávviris distaga juoiganoassegilvvu birra.
