Sámi girkoráđđi, mii dál lea čoahkkanan Gáivutnii, háliida nannet sámi girkolaš demokratiija. Riikkaviidosaš sámi girkolaš válgačoahkkima ásaheapmi lea ge váldoáššin dán čoahkkimis.
Sámi girkoráđđi, mii dál lea čoahkkanan Gáivutnii, háliida nannet sámi girkolaš demokratiija. Riikkaviidosaš sámi girkolaš válgačoahkkima ásaheapmi lea ge váldoáššin dán čoahkkimis.
Sámi girkoráđi miellahtut 2012-2016 áigodagas, čoahkkanit maŋimuš háve dán válgaáigodagas, Gáivuonas. Máŋggat čoahkkimis leat digaštallan sámi girkolaš demokratiija prinsihpaid, ja ráđđelahtut galget dál buktit oainnuideaset vejolaš sámi válgačoahkkima birra, mii lea evttohuvvon dollot juohke njealját jagi ovdal girkoválggaid.
– Dát sáhttá šaddat ođđa dehálaš lávkin ovddasguvlui sámi girkoeallimis Norgga girkus, dadjá Sámi girkoráđi jođiheaddji Anne Dalheim.
Jurddan lea čohkket viiddis joavkku mas leat ovddasteaddjit miehtá riikka válgačoahkkimii, dása galgá addot rolla go Sámi girkoráđi miellahttut ja sámi ovddasteaddjit válljejuvvojit bismagottiide ja Girkočoahkkimii. Čoahkkimii árvvoštallet maid bidjat eará doaimmaid.
Ášši sáddejuvvo gulaskuddamii golggotmánus dán jagi, ja válgačoahkkinortnega háliidit geahččalit 2019 girkoválggaid oktavuođas.
Válgačoahkkin galggašii árvalit girkoráđđái lahtuid
Viidámus evttohusas árvaluvvo ahte girkolaš válgačoahkkin galgá árvalit miellahtuid Sámi girkoráđđái, maid Girkočoahkkin ges formálalaččat vállje maŋŋil. Dákkár modealla mielde oččošii Girkočoahkkin čielga ávžžuhusa válgačoahkkimis, jienastemiid vuođul maid Sámi girkolaš válgačoahkkin lea dahkan.
Eanet ášši birra logat dáppe.
