Mázes leat ráhkadeame máilmmi stuorimus niehkodustejedji, ja Amerika eamiálbmot čearddalačča mielas sáhttá dan gohčodit sámi niehkodustejeaddjin. Geahča video áššis:
Mázes leat ráhkadeame máilmmi stuorimus niehkodustejedji, ja Amerika eamiálbmot čearddalačča mielas sáhttá dan gohčodit sámi niehkodustejeaddjin. Geahča video áššis:
Máze skuvlla lusa ledje ikte čoagganan ollu olbmot geat áigo geahččalit ráhkadit máilmmi stuorámus niehkodustejeaddji. Sis lei mihttun ráhkadit vihtta mehter viidosaš gierddu ja časkit dálá máilmmiolahusa mii lea golbma čuokkis ovcci mehtera.
Eai vel ollen gárvet
Birget Margit Hætta Sara muitala sus leat Ameriiká eamiálbmot oahppásat boahtán guossái, ja dat lei sin jurdda geahččalit ráhkadit máilmmi stuorámus niehkodustejeaddji. Vaikko sii eai vel ollen disdaga gárvet niehkodustejeaddji, de lea sis doaivva ahte dát šaddá ođđa olahus.
– Dat orro goit dál manname nu ahte mii boahtit nagodit dan, lohká son.
EAI VEL ÁIBBAS GEARGAN: Sihke stuorrát ja smávvát ledje veahkalagaid ráhkadeame máilmmi stuoramus niehkodustejeaddji. Govven: Ovlla Gaup
Dábálaš sin kultuvrras
Hætta Sara oahpis Ben Geboe, gii gullá Dakota Yankton Sioux čerdii, muitala dat lea oassin lonohallanprošeavttas gaskal sámiid ja Ameriika eamiálbmogiid American Scandinavian Foundation bokte.
– Moai letne Alex Grayain, guhte gullá Mi´kmaq čerdii Kanadas dáppe ja moai jurddašeimme maid heive mánáiguin ovttasbargat. Niehkodusttejeaddjit leat hui dábálaččat Ameriika eamiálbmogiid gaskkas, ja das bođii jurdda geahččalit ráhkadit máilmmi stuorámus niehkodustejeaddji, lohká Ben Geboe.
Sámi niehkodustejeaddji
Geboe lohká dán niehkodustejeaddji maid dál ráhkadit sáhttá gohčodit sámi niehkodustejeaddjin.
– Ameriikas lei okta dihto eamiálbmotčearda mii álggus álgii dákkáriid ráhkadit, ja dat lea dál viidon nu ahte buot čearddain ráhkadit dákkáriid. Danne lea áibbas ortnegis mu mielas ahte sámit maid sáhttet ráhkadit niehkodustejeaddjiid, lohká son. Geboe muitala niehkodustejeaddji doaibmá dainna lágiin ahte ihkku duste fierbmi bahás nieguid, ja go iđđes beaivvi badjána de jávket bahás niegut eret.
