Gárgán skuvlla 6.luohkká lea okta dain luohkáin Tromssas ja Finnmárkkus geat njuiko eanemusat Nationálasearvvi álbmotodearvvašvuođa njuikunbáddegilvvus 2021:s.
Oktiibuot serve badjel 100.000 oahppi gilvui. Tromssas ja Finnmárkkus ledje 3 640 oahppi searvan.
“Njuikko váimmu dihtii” lea gilvu mas luohkát sáhttet registreret 60 minuvtta aktivitehta beaivválaččat, ja vuoitoluohkká gessojuvvo daid gaskkas geain leat eanemus čuoggát. Tromssas ja Finnmárkkus juhkkojuvvojit golbma bálkkašumi. Vuosttaš bálkkašupmi ja 2000 ruvdna manai 6. luohkkái Gárgán skuvllas, nubbi bálkkašupmi ja 1000 ruvdna manai 5. luohkkái Loabága skuvllas ja goalmmát bálkkašupmi ja 1000 ruvndna manai 4b luohkkái Kárášjoga skuvllas.
