-Almmuhus-
-Almmuhus-
-Almmuhus-
OĐĐASAT– Dát lei hutkás geasehanvuohki, muhto áibbas lobiheapme

– Dát lei hutkás geasehanvuohki, muhto áibbas lobiheapme

-

-

Kárášjogas govvejuvvui mannan vahkus biila mas lea goallosjorri maŋis, man alde lea njealjejuvllat vuojan mas fas lea goallosjorri maŋis.

*/

Stáhta geaidnodoaimmahaga bajimusingenievra Geir Vian lohká jus sii livčče bissehan dan biilla, de livčče ovttatmanos váidán vuoddji politiijaide.

Govas oainnán ahte njealjejuvllat ii oro leamen gárron biilagoallosjorrái gitta. Danne livččiimet politiijaid gohččon boahtit ja árvvoštallat vuodjinkorta duoguštit, lohká son.

 

Hutkái

Norggas ii leat lohpi atnit guokte goallosjorri mohtorfievrru maŋis, earret stuora guorpmebiillaid, mat ožžot sierralobi dasa.

Vuoddji dán biillas orro leamaš hutkái ja dulkon ahte biila lea okta mohtorfievru ja njealjejuvllat fas nubbi, ja danne eai leat guokte goallosjorri maŋis. Muhto njealjejuvllat goallosjorri ii leat registrerejuvvon, ja danne ii oba leatge lohpi almmolaš geainnu alde geasehuvvot. Eará biillat mat maŋil bohtet eai oainne jus mat dat biila goazasta dahje bonjasta gurutguvlui go dan goallosjorris eai leat šleađggočuovggat, lohká Vian.

 

 


Priváhtagovva

 

*/

Guhkes mátki

Vian lohká dat lea duođalaš johtolatrihkkus, ja son lea maid dán áššis leamašan politiijaid ságain, muhto sin juristat eai astan vástidit.

Vian oaivvilda dát vuoddji orro guhkas mátkis:

 – Go nie ollu lea gárran gálvvu, ja biillain geaseha de orro guhkas vuolgán go muđui lei várra vuodjit dainna njealjejuvllagiin.

 

 

 

 

-Almmuhus-